Amo 1 | Ndebele | STEP | Amazwi kaAmosi owayephakathi kwabelusi beThekhowa , awabona ngoIsrayeli, ensukwini zikaUziya inkosi yakoJuda , lensukwini zikaJerobhowamu indodana kaJowashi inkosi yakoIsrayeli, iminyaka emibili ngaphambi kokuzamazama komhlaba .

Amos 1

Ukwahlulelwa kwezizwe ezakhelene loIsrayeli

1 Amazwi kaAmosi owayephakathi kwabelusi beThekhowa ^a, awabona ngoIsrayeli, ensukwini ^b zikaUziya inkosi yakoJuda ^c, lensukwini zikaJerobhowamu ^d indodana kaJowashi inkosi yakoIsrayeli, iminyaka emibili ngaphambi kokuzamazama komhlaba ^e. 2 Wasesithi: INkosi izabhonga iseZiyoni ^f, ikhuphe ilizwi layo iseJerusalema ^g; lendawo zokuhlala zabelusi ^h zizalila, lengqonga ⁱ yeKharmeli ^j ibune. 3 Itsho njalo iNkosi: Ngenxa yeziphambeko ezintathu ^{k
,} ^l zeDamaseko ^m, langenxa yezine ⁿ, kangiyikuphambula isijeziso sabo, ngoba babhule ^o iGileyadi ^p ngembulo zensimbi ^q. 4 Ngakho ngizathumela umlilo endlini ^r kaHazayeli, ozaqeda izigodlo zikaBenihadadi ^s. 5 Njalo ngizakwephula umgoqo ^t weDamaseko ^u, ngiqume umhlali wegceke ^v leAveni ^w, lophethe intonga ^x, esuka eBeti-Edeni ^y; njalo abantu beSiriya bazathunjelwa eKiri ^{z
,} ^aa, itsho iNkosi.

6 Itsho njalo iNkosi: Ngenxa yeziphambeko ezintathu ^ab zeGaza ^{ac
,} ^ad, langenxa yezine, kangiyikukuphambula; ngoba babathumba ngokuthunjwa okupheleleyo ^ae, ukuthi babanikele ^af e-Edoma ^ag. 7 Ngakho ngizathumela umlilo emdulini weGaza, ozaqeda izigodlo zayo ^ah. 8 Ngiqume umhlali eAshidodi ^{ai
,} ^aj, lophethe intonga ^ak eAshikeloni ^{al
,} ^am, ngiphendulele isandla sami ngimelene ^an leEkhironi ^{ao
,} ^ap; njalo insali yamaFilisti ^{aq
,} ^ar izabhubha; itsho iNkosi uJehova.

9 Itsho njalo iNkosi: Ngenxa yeziphambeko ezintathu ^as zeTire ^at, langenxa yezine ^au, kangiyikuphambula isijeziso sabo, ngoba babathumba ngokuthunjwa okupheleleyo ^av babanikela kuEdoma ^aw, kabakhumbulanga isivumelwano sabazalwane ^ax. 10 Ngakho ngizathumela umlilo emdulini weTire ozaqeda izigodlo zayo ^ay.

11 Itsho njalo iNkosi: Ngenxa yeziphambeko ezintathu ^az zeEdoma ^{ba
,} ^bb, langenxa yezine, kangiyikukuphambula, ngoba yaxotshana ^bc labafowabo ^bd ngenkemba ^be, yonakalisa izihawu zayo, lolaka lwayo lwadabudabula njalonjalo ^bf, yagcina intukuthelo yayo kokuphela. 12 Ngakho ngizathumela umlilo ^bg eThemani ^bh ozaqeda izigodlo ^bi zeBhozira ^bj.

13 Itsho njalo iNkosi: Ngenxa yeziphambeko ezintathu ^bk zabantwana bakoAmoni ^bl, langenxa yezine, kangiyikuphambula isijeziso sabo, ngoba baqhaqha abesifazana abazithweleyo beGileyadi ^bm, ukuze bandise umngcele wabo ^bn. 14 Ngakho ^bo ngizaphemba umlilo ^bp emdulini weRaba ^bq, ozaqeda izigodlo zayo ^br, ngokumemeza osukwini lwempi ^bs, ngesiphepho osukwini lwesivunguzane; 15 lenkosi yabo izakuya ekuthunjweni ^bt, yona kanye leziphathamandla zayo ^bu; itsho iNkosi.